Mourino xayriya uchrashuvida o'zini darvozabon sifatida sinab ko'rdi

Manchester Yunayted” bosh murabbiyi Joze Mourino futbol va shou-biznes yulduzlari o'rtasidagi xayriya uchrashuvida darvozabonlik qildi. Bu uchrashuv 2 sentabrda “Kuinz Park Reyndjyers” klubining uy maydoni hisoblangan Londondagi “Loftus Roud” stadionida bo'lib o'tdi. 

54 yoshli portugaliyalik mutaxassis futbol yulduzlari jamoasi tarkibida darvozabon Devid Jyeyms o'rniga maydonga tushdi. Bu jamoaga afsonaviy Alan Shirer, shou-biznes yulduzlari jamoasiga esa Les Ferdinand sardorlik qildi.

Uchrashuvning asosiy vaqti 2:2 hisobidagi durang natija bilan tugagach, penaltilar seriyasi amalga oshirilgan. Mourino o'ziga berilgan ishonchni oqlab, penaltini bexato amalga oshirganiga qaramasdan, uning jamoasi natijada 3:5 hisobida mag'lub bo'lgan.