Instagram yangi messenjerni sinovdan o‘tkazishni boshladi

Facebook Threads deb nomlangan yangi messenjerni ishlab chiqmoqda. Bu haqda TASS xabar beradi.

Foydalanuvchilar matn, foto, video hamda joylashuvlari bilan o‘sha vaqtning o‘zida bo‘lishishlari mumkin.

Taxminlarga ko‘ra, Threads’da foydalanuvchining onlayn ekani ko‘rinib turadi. Dastur ayni damda test sinovi jarayonida ishlamoqda, biroq Instagram bu haqda izoh berishdan bosh tortgan.

Ma’lumot uchun, Instagram 2010-yilning oktabr oyida foto va videolarni joylashtirish uchun tarmoq sifatida faoliyatini boshlagan va faqatgina Apple kompaniyasining mobil vositalari uchun mo‘ljallangan edi.

2012-yildan boshlab Android foydalanuvchilari ham foydalanishlari mumkin bo‘ldi. Shu yili Facebook Instagram’ni 1 milliard dollarga sotib oldi.