Chernobil hududi sayyohlar oqimi bo‘yicha rekord qo‘ydi. Buni mashhur serial bilan bog‘lashmoqda

2019-yilning 8 oyi mobaynida Chernobil hududi tashriflar soni bo‘yicha rekord qo‘ydi.

Shu vaqt mobaynida taqiq zonasiga 74 mingdan ortiq odam keldi, ulardan 14 mingdan ko‘prog‘i avgust oyiga to‘g‘ri kelgan.

Chernobilga eng ko‘p Ukrainadan, shuningdek, Buyuk Britaniya va Polshadan sayyohlar kelgan.

Zona ma’muriyati turistlar oqimi ko‘payganini HBO telekanalining “Chernobil” seriali chiqishi, Ukraina turagentliklari tomonidan yangi yo‘nalishlar shakllantirilgani va zona hududiga kirish jarayoni osonlashtirilgani bilan izohlamoqda.