AQShda 13 kilogrammli kurka avtomobilning old oynasini sindirdi

AQShning Indiana shtatida yirik kurka uchib kelib, avtomobilning old oynasiga urilgan va uni sindirgan. Bu haqda mahalliy politsiyaning Facebook’dagi sahifasiga tayanib, “RIA Novosti” xabar berdi.

Vazni qariyb 13 kilogramm bo‘lgan yovvoyi parranda hodisa natijasida o‘lgan. Mashinada bo‘lgan oila old oyna yoriqlarini ko‘rib qo‘rquvdan qotib qolgan.

Politsiyachilar haydovchilarni e’tiborli bo‘lishga chaqirmoqda, chunki yovvoyi kurkalar ko‘payish vaqtida yo‘llarda haqiqiy xavfga aylanishi mumkin.

“Daryo”ning Telegram’dagi rasmiy kanali — @toshqindaryo’ga a’zo bo‘ling!