Zangiotada hokim o‘rinbosari va “My5” telekanali operatori o‘rtasida yuzaga kelgan holat do‘stona hal etildi

Ijtimoiy tarmoqlarda muhokamalarga sabab bo‘layotgan Zangiota tumanidagi xo‘jalik mollari va hunarmandlar savdo kompleksida “Mening yurtim” telekanali ijodkorlari hamda Zangiota tumani hokimi o‘rinbosari Avazbek Mavlonov ishtirokida yuzaga kelgan holat do‘stona hal etildi. Bu haqda hokimlik matbuot xizmati ma’lum qildi.

Zangiota tumani hokimi o‘rinbosari telekanalning “Markaziy studiya” ko‘rsatuvi ijodkorlari bilan uchrashib, vaziyatga oydinlik kiritib oldi.

Eng asosiysi, Avazbek Mavlonov operator Mohir Eshmuhammedov bilan o‘zaro tushunmovchilikni hal qilib oldi. Samimiy ruhda o‘tgan uchrashuv tez kunlarda “My5” telekanalida efirga uzatiladi.