Piter Parker uyiga qaytmoqda: Yangi “O‘rgimchak odam” filmining treyleri chiqdi

Sony Pictures Entertainment kompaniyasi “O‘rgimchak odam: uyga qaytish” filmining treylerini namoyish etdi, deya xabar beradi Meduza.

Kartina syujeti “Birinchi qasoskor: Qarshilik” filmidagi hikoyadan so‘ng rivojlanadi. Piter Parker — o‘rgimchak chaqishi natijasida super qahramonlik qobiliyati paydo bo‘lgan yuqori sinf o‘quvchisi. Unga Toni Stark — Temir odam ustozlik qiladi. Ular birgalikda Quzg‘un nomli yovuz kimsani yengishlari kerak bo‘ladi.

Filmda bosh rollarni Tom Xolland, kichik Roberd Dauni, Maykl Kiton hamda Zendeya Koulmanlar ijro etgan. Film rejissori Jon Uotts.

Film premyerasi 2017-yilning 7-iyuliga belgilangan.