Hindiston Oy yuzasiga qo‘nish chog‘i yo‘qolgan qurilmasini topdi

Hindiston koinot tadqiqotlari tashkiloti (ISRO) Oyga qo‘nish chog‘ida aloqa yo‘qolgan “Vikram” qurilmasining manzilini aniqladi.

“Hozirda qurilma bilan aloqa o‘rnatishga harakat qilinmoqda. Qandaydir taxminlar qilishga hali erta”, — dedi tashkilot rahbari Kaylasavadivu Sivan.

Bundan avvalroq Hindiston kosmik tadqiqotlar tashkiloti (ISRO) “Vikram” qurilmasini Oyga qo‘ndirish bo‘yicha missiyaning so‘nggi bosqichida apparat bilan aloqani yo‘qotgani haqida xabar berilgandi.