Turkmanistonda muddatli xizmat askarlari prezidentning o‘g‘li hokimlik qiladigan Axal viloyatiga paxta yig‘im-terimiga yuborildi

8—9-sentabr kunlari Turkmanistonning Mari viloyatidan 1,5 ming nafar muddatli xizmat askari Axal viloyatiga paxta yig‘im-terimida ishtirok etish uchun yuborildi.

Mazkur sanalarda Mari—Ashxobod yo‘nalishiga yo‘lovchi poyezdlariga chiptalar sotilmagan.

Ashxobod va uning atrofidagi hududlarda joylashgan harbiy qism xizmatchilari 1-sentabrdayoq paxta dalalariga jo‘natilgandi.

Manbalarga ko‘ra, Mari viloyatining barcha tumanlari kommunal xo‘jalik xizmatlari xodimlari, jumladan, haydovchilar ham tez orada Axal viloyatiga paxta yig‘im-terimiga yuborilishi haqida ogohlantirilgan.

Avval xabar berganimizdek, Turkmaniston paxtakorlariga prezidentning o‘g‘li hokimlik qiladigan Axal viloyatiga xirmonni birinchi bo‘lib ko‘tarishda yordam berish buyurilgan.