O‘zbekiston TIVda Rossiya elchisi bilan uchrashuv bo‘lib o‘tdi

O‘zbekiston Tashqi ishlar vazirligida 29-mart kuni Rossiya elchisi Vladimir Tyurdenev bilan uchrashuv bo‘lib o‘tdi, deya xabar bermoqda TIV matbuot xizmati.

Uchrashuvda O‘zbekiston—Rossiya hamkorligining, jumladan, MDH va ShHT doirasidagi munosabatlarining dolzarb masalalari muhokama qilindi.

MDHga a’zo mamlakatlar Tashqi ishlar vazirlari kengashining Toshkent shahridagi navbatdagi yig‘ilishida Rossiya TIV delegatsiyasi ishtirokining amaliy jihatlari ko‘rib chiqildi.

Suhbat davomida Rossiya prezidentining Xalqaro madaniy hamkorlik bo‘yicha maxsus vakili Mixail Shvidkoyning O‘zbekistonga tashrifi yakunlari to‘g‘risida ham fikr almashildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!