Foto: “Tug‘ilgan kuniga it ham kelmagan” buldog

Twitter’ foydalanuvchilaridan biri g‘amgin it suratini o‘z sahifasiga joyladi. Uning aytishicha, itning tug‘ilgan kuni munosabati bilan uyushtirilgan bayramga hech kim kelmagan. Bu haqda TJournal ma’lum qildi.

Shuningdek, u buldogning do‘stlari uchun bezatilgan stol suratlarini ham taqdim qilgan.

Ijtimoiy tarmoqning boshqa foydalanuvchilari itga achindi. Tvit tarmoqda 13 ming martadan ko‘proq ulashildi. Ko‘plab foydalanuvchilar o‘z hayvonining suratini jo‘natib, keyingi safar bayramga birga borishga va’da berdi.

Biroq biroz vaqt o‘tgach akkaunt egasi u hikoyani o‘ylab topganini va uning iti yo‘q ekanligini tan olgan. Uning ota-onasi uy hayvoni asrashga ruxsat bermasligini ta’kidlab o‘tgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!