O‘zbekiston va Iordaniya o‘rtasida siyosiy maslahatlashuvlar bo‘lib o‘tadi

17-sentabr, seshanba kuni O‘zbekiston va Iordaniya delegatsiyalari o‘rtasida vazirliklararo siyosiy maslahatlashuvlar bo‘lib o‘tadi, deya xabar bermoqda O‘zbekiston Tashqi ishlar vazirligi matbuot xizmati.

Qayd etishlaricha, O‘zbekiston delegatsiyasiga mamlakat tashqi ishlar vazirining o‘rinbosari Dilshod Ahatov boshchilik qiladi.

Avvalroq Dilshod Ahatov boshchiligidagi O‘zbekiston delegatsiyasi Qohirada Misr hukumati a’zolari bilan uchrashgani haqida xabar berilgan edi.

O‘zbekiston delegatsiyasining Misrga tashrifi 16-sentabr kuni yakunlanishi ko‘zda tutilgan.