Toshkentdagi Turin politexnika universiteti bolalar attraksionlari uchun mini-avtobus va poyezd ishlab chiqdi

Toshkentdagi Turin politexnika universiteti madaniyat va istirohat bog‘lari moddiy-texnika bazasini mustahkamlashga o‘z hissalarini qo‘shdi. Bu haqda “Daryo”ga o‘quv yurti mutasaddilari ma’lum qildi.

Texnopark muhandislari 4-bosqich talabalari bilan hamkorlikda attraksion uchun 20 kishiga mo‘ljallangan mini-avtobus hamda lokomotiv va 4 vagondan iborat poyezd ishlab chiqdi.

Avtobus va lokomotiv quvvati 5,5 soatga yetadigan akkumulyator batareyada ishlaydi. Ikkisining ham kuchi 900 vatt bo‘lib, soatiga 10 kilometr tezlikka ega.