Toni Fergyuson UFC’dan Habib Nurmagomedov bilan jang tashkil qilishni so‘radi

Amerikalik sportchi Toni Fergyuson tezroq Habib Nurmagomedovga qarshi jang qilishni istamoqda.

Fergyuson hatto Twitter’dagi rasmiy sahifasi orqali UFC’dan Habibga qarshi jang tashkil etishlarini so‘radi.

“Joy topishimizga ishonaman va hatto kattakalla Habibga ham. Dana Uayt, 14-dekabrga biz uchun jang tashkil et. Faqat chempionlik jangi bo‘lsin”, — deya yozadi Fergyuson.

Eslatib o‘tamiz, UFC prezidenti Uayt Habib Nurmagomedovning keyingi raqibi Toni Fergyuson bo‘lishi mumkinligi haqida xabar bergandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!