A Seriya. “Napoli” va “Roma” g‘alaba qozondi (video)
Futbol bo‘yicha Italiya chempionatining 4-turi doirasida 22-sentabr, yakshanba kuni 4 ta uchrashuv yakunlandi.
Paulu Fonseka qo‘l ostidagi Rimning “Roma” klubi safarda “Bolonya”ga qarshi maydonga tushdi.
Bellashuvning 49-daqiqasida Rim klubi himoyachisi Aleksandar Kolarov hisobni ochgan bo‘lsa, oradan 5 daqiqa o‘tib mezbon jamoa yarim himoyachisi Nikola Sansone penaltidan gol urdi. 90-daqiqada esa hujumchi Edin Jeko Lorenso Pellegrini uzatmasini golga aylantirdi.
Shu tariqa “Roma” “Bolonya”ni 2:1 hisobida mag‘lubiyatga uchratib, 3 ochkoga ega bo‘ldi.
Mazkur g‘alabadan so‘ng “Roma” 8 ochko jamg‘arib, 4-o‘ringa ko‘tarilib oldi, “Bolonya” esa 7 ochko bilan 5-o‘rinda bormoqda.
Karlo Anchelotti boshchiligidagi “Napoli” mehmonda “Lechche”ni sinovdan o‘tkazdi.
O‘yin davomida “Napoli” a’zolari Fernando Lyorente (28, 82), Lorenso Insinye (40, penalti) hamda Fabian Ruis (52) gol urgan bo‘lsa, “Lechche”dan Marko Mankozu penaltidan unumli foydalanib, o‘z nomiga bitta gol yozdirib qo‘ydi (61).
Uchrashuv yakuniga ko‘ra, “Napoli” mehmonda kechgan bahsda “Lechche”ni 4:1 hisobida mag‘lubiyatga uchratib, muhim 3 ochkoga ega bo‘ldi.
Qayd etish joiz, “Napoli” 9 ochko to‘plab, musobaqa jadvalida 3-o‘rinni band qilib turibdi. 18-o‘rinda borayotgan “Lechche” hisobida esa 3 ochko mavjud.
A Seriya
4-tur bahslari
20-sentabr, juma
Gollar: 1:0 — 46 Simeone, 1:1 — 83 Kuame, 2:1 — 84, avtogol Sapata, 3:1 — 87 Joao Pedro
21-sentabr, shanba
Gol: 0:1 — 57 Romulo
Gollar: 0:1 — 20 Velozu, 1:1 — 31 Remzi, 2:1 — 49, penalti Ronaldu
Gollar: 0:1 — 49 Brozovich, 0:2 — 78 Lukaku
22-sentabr, yakshanba
Gollar: 1:0 — 26 Kaputo, 2:0 — 45 Kaputo, 3:0 — 47 Dankan
Gollar: 0:1 — 49 Kolarov, 1:1 — 54, penalti Sansone, 1:2 — 90 Djeko
Gollar: 0:1 — 28 Lyorente, 0:2 — 40, penaltiInsinye, 0:3 — 52 Fabian Ruis, 1:3 — 61, penalti Mankozu, 1:4 — 82 Lyorente
Gol: 1:0 — 56 Gabbyadini
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz