“Nasaf” Oliy liga peshqadamiga aylandi. “Bunyodkor” Toshkent derbisida “Obod”ni yenga olmadi
Futbol bo‘yicha O‘zbekiston Oliy ligasining 4-tur bellashuvlari Qarshi va Toshkent shahrida bo‘lib o‘tgan ikki uchrashuv bilan start oldi.
Qarshining “Nasaf” klubi o‘z maydonida “So‘g‘diyona”ni qabul qilib, 4:0 hisobida zafar quchdi. Bellashuvda Dragan Cheran dubl qayd etdi.
“Nasaf” o‘tkazgan uch o‘yinining barchasida zafar quchib, yuz foizlik natija qayd etib turibdi. To‘plar nisbatiga ko‘ra u Samarqandning “Dinamo” klubidan o‘zib ketdi.
Toshkentning “Bunyodkor” klubi esa ketma-ket ikkinchi turda ochko yo‘qotdi. Avvalgi tur “Olmaliq” maydonida durang o‘ynagan Sergey Lushchan jamoasi, bu safar “Obod”ni mag‘lub eta olmadi, balki mag‘lubiyatdan arang qutulib qoldi.
O‘zbekiston Oliy ligasi
4-tur bellashuvlari
30-mart, payshanba
Gollar: Dragan Cheran, 18 (1:0). Odil Hamrobekov, 22 (2:0). Dragan Cheran, 83 (3:0). Bobur Abdixoliqov, 89 (4:0).
Gollar: Shoxruz Norxonov, 19 (1:0). Vadim Chemirtan, 77 (1:1).