Andijonda tadbirkorni 75 millionga chuv tushirgan ikki mahalladosh qo‘lga olindi

2017-yil fevralida Andijon shahrida istiqomat qiluvchi M.T. ismli tadbirkorni ishonchiga kirib, uni aldagan Andijon tumanining Yorboshi mahallasida yashovchi ikki nafar fuqaro qo‘lga olindi, deb xabar beradi “Auz.uz”.

Ya’ni 2017-yil 6-fevral kungi lizing shartnomasiga asosan 36 oy muddatda to‘lash sharti bilan sotib olgan Malibu rusumli avtomashinasining pulini bo‘lib berish sharti bilan 75 million 736 ming so‘mga xarid qilgan. Biroq ular avtoulov pulini to‘liq bermasdan boshqa shaxsga sotib yuborib, pullarini firibgarlik yo‘li bilan qo‘lga kiritganliklari ma’lum bo‘lgan.

Mazkur holat yuzasidan Andijon shahar ichki ishlar organlari faoliyatini muvofiqlashtirish boshqarmasining tergov bo‘limi tomonidan Jinoyat kodeksining 168-moddasi bilan jinoyat ishi qo‘zg‘atilib, tergov harakatlari olib borilmoqda.