Namanganda kuchli yomg‘ir oqibatida ko‘chalarni suv bosdi (video)

Kuchli yomg‘ir oqibatida 1-oktabr kuni Namanganning ayrim ko‘chalarini suv bosdi. Bu haqda namanganliklar Telegram-kanalida tarqalgan video guvohlik bermoqda.

Videoda mashinalar suv bosgan yo‘ldan yura olmayotgani tasvirlangan.

“Namangan shahrida ‘O‘n bir Ahmad’ tarafdagi temir yo‘li ko‘prigi tagidan o‘tgan yo‘lda mashinalar harakati qiyinlashgan. Tavakkal qilib o‘taman desangiz, o‘tavering, lekin yo‘lning o‘rtasiga kelib o‘chib qolish xavfi bor”, — deb yozgan video muallifi.

Shuningdek, suv bosgan yo‘ldan o‘tmoqchi bo‘lgan ayrim mashinalar o‘chib, ichiga suv kirib ketgani aytilgan.