Frank Riberi va Zlatan Ibrohimovich o'z faoliyatlarini yakunlashadi

Fransiya terma jamoasi yarim himoyachisi Frank Riberi terma jamoadagi faoliyatini yakunlaganini ma’lum qildi. Bu haqda Stadion.uz xabar bermoqda.

Germaniyaning Kicker jurnaliga bergan intervyusida "Bavariya” futbolchisi terma jamoada yosh futbolchilarga o‘rin berish to‘g‘riroq yo‘l bo‘lishini ta’kidlagan.

"Terma jamoadagi faoliyatimni yakunlash uchun hozir eng qulay payt kelgandek tuyulmoqda. Endi e’tiborimni ko‘proq oilamga va ‘Bavariya’ klubidagi o‘yinlarimga qaratmoqchiman. Bir qator yosh futbolchilar uchun ham terma jamoaga yo‘l ochilgan bo‘lar edi”, — deydi Riberi.

Ma’lumot uchun, 2006-yil 27-may kuni Meksika terma jamoasiga qarshi o‘rtoqlik o‘yinida terma jamoada debyut qilgan Frank Riberi shu kungacha Fransiya terma jamoasida 82 ta uchrashuvda maydonga tushgan va 16 ta gol urishga erishgan.