Bryusseldagi Turkiya elchixonasi yonida tartibsizliklar bo‘lib o‘tdi, yaradorlar bor

Bryusseldagi Turkiya elchixonasi yonida Turkiya prezidenti Rajab Toyyib Erdo‘g‘onning tarafdorlari va dushmanlari o‘rtasida to‘qnashuvlar bo‘lib o‘tdi. Natijada bir necha kishi jarohatlar oldi, deb yozadi “Korrespondent.net”.

Bir guruh turklar referendumda ovoz berish uchun kelgan kurdlarga pichoq bilan hamla qilgach, Belgiya politsiyasi aralashishga majbur bo‘ldi. Yaradorlar kasalxonaga yotqizildi, ammo ularning aniq soni oshkor etilmayapti.

Namoyishchilar 30-mart, payshanba kuni kechgacha elchixona binosi yonidan ketmadi. Elchixona binosida Turkiya prezidenti vakolatlarini kengaytirish bo‘yicha referendumda ovoz berish uchun saylov uchastkasi joylashgan.