» » Yaqin Sharqdagi mojarolar hududidan o‘zbekistonliklarni qaytarish bo‘yicha ikkinchi maxsus operatsiya amalga oshirildi

Yaqin Sharqdagi mojarolar hududidan o‘zbekistonliklarni qaytarish bo‘yicha ikkinchi maxsus operatsiya amalga oshirildi


Uzbekistan Airways’ning qurolli mojarolar hududidagi vatandoshlarni qaytarish bo‘yicha “Mehr” operatsiyasi doirasida Bag‘doddan parvoz qilgan “Boing” samolyoti Toshkent aeroportiga qo‘ndi, deya xabar berdi Toshkent vaqti bilan 22:08 da “Novosti Tashkentskogo Neba” Telegram-kanali.

O‘zbekiston rasmiylari Yaqin Sharqdagi qurolli mojarolar hududidan vatandoshlarni qaytarish bo‘yicha “Mehr” operatsiyasining ikkinchisini amalga oshirmoqda. Bu haqda Telegram’dagi @aviaspotter kanali xabar berdi.

“Uzbekistan Airways’ning Boeing 757-23P (bort raqami UK57502) samolyoti HY3510 reysi bilan O‘zbekiston fuqarolarini IShID jangovar harakatlar olib borgan hududlaridan qaytarish bo‘yicha maxsus operatsiyani bajarmoqda. Reys Bag‘doddan amalga oshirilmoqda», — deyiladi kanalda 10-oktabr kuni Toshkent vaqti bilan soat 21:34 da qoldirilgan xabarda.

O‘zbekistonning vakolatli organlari hozircha ushbu maxsus operatsiya haqida rasmiy axborot berganicha yo‘q. Operatsiyaning tafsilotlari, xususan, aynan necha nafar o‘zbekistonlik Bag‘doddan olib kelinayotgani haqida aniq ma’lumotlar hozircha yo‘q.

Avvalroq O‘zbekiston Tashqi ishlar vaziri Abdulaziz Komilov O‘zbekiston Suriyadan yana 170 kishi va Iroqdan 65 nafar bolaning qaytishini kutayotgani, bu borada O‘zbekistonga “xalqaro tashkilotlar va Yaqin Sharqdagi jarayonlarda bevosita ishtirok etayotgan davlatlar yordami kerak”ligini ma’lum qilgan edi.

Ma’lumot uchun, O‘zbekiston rahbariyati “Mehr” insonparvarlik operatsiyasini ilk bor 2019-yil may oyi oxirida amalga oshirgan, o‘shanda 156 nafar o‘zbekistonlik, asosan ayollar va bolalar Uzbekistan Airways’ning Suriya poytaxti Damashqdan amalga oshirilgan maxsus reysi bilan O‘zbekistonga olib kelingan edi.

Mavzuga doir: Video: O‘zbekistonliklarni Suriyadan qaytarish bo‘yicha “Mehr” operatsiyasi haqida film

Keyinchalik ushbu operatsiya davomida O‘zbekiston tomoni ma’lum bir qiyinchiliklarga duch kelgani ayon bo‘lgan edi. Xususan, O‘zbekiston Prezidenti Shavkat Mirziyoyev bir davlat Suriyadan vatandoshlarni olib qaytish uchun O‘zbekiston samolyotini urib tushirish bilan tahdid qilganini ma’lum qilgan edi.

Mavzuga doir: Shavkat Mirziyoyev fuqarolarni Suriyadan qaytarish qiyinchiliklari haqida: Samolyotimizni urib tushirish bilan tahdid qilishdi



Manba: Daryo.uz
Опубликовано: admin (10-10-2019, 22:28)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 92) ( 0) ( 91) ( 1)
Юзеры:
- отсутствуют
Гости:
Роботы:
Последние 20 посетителей... - отсутствуют