Turkiya armiyasi Suriya hududidagi operatsiyalarni davom ettirish niyatida

Turkiya “Frot qalqoni” operatsiyasi yakuniga yetganidan keyin ham, Suriyada “noma’qul tuzilmalar” paydo bo‘lishining oldini olish borasidagi ishlarni davom ettiradi. Bu haqda, Reuters’ning xabar berishicha, Turkiya armiyasi bayonotida ma’lum qilingan.

“Biz milliy manfaatlarni himoya qilish, noma’qul tuzilmalar paydo bo‘lishining oldini olish… va mintaqada xavfsizlik va barqarorlikni ta’minlashga qaratilgan operatsiyalarimizni davom ettiramiz”, — deyiladi turk armiyasi bayonotida.

Avvalroq Turkiya rahbariyati Suriya shimolida amalga oshirilgan “Frot qalqoni” operatsiyasi muvaffaqiyatli tarzda yakuniga yetkazilganini ma’lum qilgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!