O‘zbekistonga to‘qqiz oy davomida yuborilgan xalqaro pul o‘tkazmalari hajmi 4,5 mlrd dollarni tashkil etdi

2019-yilning yanvar—sentabr oylarida o‘zbekistonliklar tomonidan amalga oshirilgan pul o‘tkazmalarining aylanma hajmi 5,2 millard dollarni tashkil etdi.

Markaziy bank ma’lumotiga ko‘ra, 4,5 milliard dollar O‘zbekistonga xalqaro pul o‘tkazmalar tizimi orqali kirib kelgan bo‘lsa, 800 million dollar chet el mamlakatlariga yuborilgan.

Xalqaro pul o‘tkazmalari orqali O‘zbekistonga kirib kelgan valyuta mablag‘lari hajmi o‘tgan yilning shu davriga nisbatan 18% ga oshgan (2018-yil yanvar—sentabr — 3,8 milliard dollar).