“Chegara bilmas shifokorlar” Suriyadagi gospitalga aviazarba berilganini ma’lum qildi

“Chegara bilmas shifokorlar” xalqaro gumanitar tashkilotining ma’lum qilishicha, Suriyaning Xama viloyatidagi gospitalga berilgan aviazarba oqibatida kamida ikki kishi, xususan, bir shifokor halok bo‘lgan. Bu haqda “RIA Novosti” xabar bermoqda.

Tashkilot ma’lumotlariga ko‘ra, kasalxona ustiga bomba vertolyotdan tashlangan.

“Bunday amaliyot xalqaro huquq bilan taqiqlanganiga qaramay, kasalxonalarni bombardimon qilish Suriyada odatiy holga aylanib qoldi. Tibbiy xizmatlar bu kabi takrorlanib turuvchi hujumlardan jiddiy aziyat chekmoqda”, — dedi tashkilotning Suriyadagi missiyasi rahbari Massimiliano Rebaudengo.

“Daryo”ning Telegram’dagi rasmiy kanali — @toshqindaryo’ga a’zo bo‘ling!