BMT bosh kotibi Ukraina sharqida jangovar harakatlar to‘xtatilganini olqishladi

BMT bosh kotibi Antoniu Guterrish Ukraina sharqida 1-apreldan jangovar harakatlarning to‘xtatilishini olqishladi. Bu haqda “Gazeta.ru” xabar bermoqda.

“Bosh kotib uch tomonlama kontakt guruhi tomonidan e’lon qilingan o‘t ochishni to‘xtatish, Minsk shartnomalariga muvofiq og‘ir qurol-aslahalarni olib chiqib ketish tartiblariga amal qilish bo‘yicha yangi kelishuvni ma’qullaydi. Bu xavfsizlik masalalarini ko‘rib chiqishda siljishga erishishga yordam berishiga umid bildirdi”, — deyiladi xalqaro tashkilot bayonotida.

Antoniu Guterrish mojaro tomonlarini zimmalariga olgan majburiyatlariga “to‘liq rioya etish”ga chaqirdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!