“Real” va “Manchester Yunayted” Sancho uchun kurashadi

Dortmundning “Borussiya” klubi yarim himoyachisi faoliyatini “Real”da davom ettirishi mumkin, deb yozadi El Desmarque.

19 yoshli futbolchiga “Real”dan tashqari “Manchester Yunayted” ham qiziqish bildirmoqda. Sanchoning transferi esa 100 million yevroga baholanmoqda.

Avvalroq Jeydon Angliya terma jamoasidan “Borussiya” ixtiyoriga kechikib kelgani uchun jazolangandi.

Sancho joriy mavsum “Borussiya” safida 11 ta o‘yin o‘tkazib, 4 ta gol urdi va 5 ta golli uzatmani amalga oshirdi.

Uning nemis klubi bilan shartnomasi 2022-yil 30-iyunda yakuniga yetadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!