Toshkentda maktab o‘quvchisi boshqa o‘quvchini pichoqladi

Toshkentdagi maktabning 9-sinf o‘quvchisi janjal vaqtida 10-sinf o‘quvchisini pichoqladi. Hodisa haqida IIBga 21-oktabr kuni soat 10:00 da xabar kelib tushgan.

Qayd etilishicha, Olmazor tumanidagi 146-maktabning 15 yoshli maktab o‘quvchisi 16 yoshli A.G. bilan mushtlashib, uning orqa qismiga pichoq sanchgan.

Tan jarohatlari olgan o‘smir shifoxonaga yotqizilgan. Tergovga qadar tekshiruv o‘tkazilmoqda.