Angliyada yuk mashinasidan 39 kishining jasadi topildi

Angliyaning Esseks grafligidagi Greys shahri sanoat parki hududida yuk mashinasi ichidan 39 kishining jasadi topildi. Bu haqda Meduza xabar bermoqda.

Yuk mashinasi haydovchisi, shimoliy irlandiyalik 25 yashar erkak qotillikda gumon qilinib, politsiya tomonidan qo‘lga olindi.

Tergov ma’lumotlariga ko‘ra, yuk mashinasi Angliyaga Bolgariyadan kirib kelgan. Buyuk Britaniya chegarasini 19-oktabr, shanba kuni Uelsdagi Xolixed shahrida kesib o‘tgan.

Politsiya yuk mashinasidagi kishilarning shaxsi va halok bo‘lishi sabablarini o‘rganmoqda.