Xitoy shimolidagi portlash oqibatida 6 kishi halok bo‘ldi

Xitoyning Linfen shahri (shimoliy Shansi provinsiyasi) hududida yuz bergan portlash oqibatida olti kishi halok bo‘ldi, olti kishi yaralandi. Bundan tashqari, yana uch kishining bedarak yo‘qolganligi qayd etilmoqda. Bu haqda mahalliy politsiyaga tayanib, “Sinxua” agentligi xabar berdi, deb yozadi “TASS”.

Hodisa 2-aprelga o‘tar kechasi yuz berdi. Politsiya va tez yordam mashinasi voqea joyiga yetib keldi.

Hozirgi paytga kelib, o‘t o‘chiruvchilar portlash oqibatida kelib chiqqan yong‘inni o‘chirdi. Yuz bergan hodisa sabablari yuzasidan surishtiruv olib borilmoqda. “Daryo”ning Telegram’dagi rasmiy kanali — @toshqindaryo’ga a’zo bo‘ling!