Ozarbayjon prezidenti Ilhom Aliyev 24 yillik administratsiya rahbarini lavozimidan ozod etdi

Ozarbayjon prezidenti Ilhom Aliyev o‘z administratsiyasi rahbari Ramiz Mextiyevni lavozimidan ozod qildi, deb yozmoqda “Interfaks”. Mextiyev prezident administratsiyasiga 1994-yil fevralidan buyon rahbarlik qilib kelayotgandi.

Davlat rahbari Mextiyevni Ozarbayjon Xavfsizlik kengashi a’zoligiga qabul qilgan va mamlakat oldidagi xizmatlari uchun “Geydar Aliyev” ordeni bilan mukofotlagan.

23-oktabr, chorshanba kuni Ramiz Mextiyev Ozarbayjon fanlar akademiyasi prezidenti lavozimiga tayinlandi. Uning nomzodini akademiyaning sobiq rahbari Akif Alizoda taklif qilgan. Alizodaning o‘zi 22-oktabrda sog‘lig‘i bilan bog‘liq muammolar tufayli o‘z xohishiga ko‘ra lavozimidan ketgandi.

Mavzuga doir: Ilhom Aliyev Turkiy tilli davlatlar hamkorlik kengashida ishtirok etayotgan hamkasblarini mehmon qildi (foto)