Konor Makgregorning navbatdagi jangi sanasi ma’lum qilindi

Ikki vazn toifasida UFC sobiq chempioni Konor Makgregor Moskvada bo‘lib o‘tgan matbuot anjumanida keyingi jangi qachon va qayerda bo‘lishini ma’lum qildi.

“Keyingi jang 18-yanvar kuni Las-Vegasda bo‘lib o‘tadi. Raqibim kimligini bilaman.

Hozircha bu haqda gapirmayman. Borib UFC’dagilardan so‘rang. Ochig‘ini aytsam, menga raqibning farqi yo‘q”, — deydi Makgregor.

Makgregor o‘zining so‘nggi jangini o‘tgan yilning oktabrida rossiyalik Habib Nurmagomedovga qarshi o‘tkazgan va mag‘lubiyatga uchragandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!