Klublar o‘rtasidagi Jahon Chempionatining yangi ko‘rinishdagi ilk musobaqasiga Xitoy mezbonlik qiladi

Klublar o‘rtasidagi Jahon Chempionatining 2021-yilgi musobaqasiga Xitoy mezbonlik qiladi. Bu haqida FIFA rasmiy saytida ma’lum qilindi.

Musobaqa 2021-yilning iyun va iyul oylarida bo‘lib o‘tadi.

Endi FIFA konfederatsiyalar bilan har bir mintaqadan qanchadan klub ishtirok etishi borasida muhokamalarni boshlaydi.

Ma’lumot uchun, 2021-yildan e’tiboran klublar o‘rtasidagi Jahon Chempionati har to‘rt yilda bir bor o‘tkaziladi. Unda 24 ta klub ishtirok etadi.

Yaqin ikki yil ichidagi Jahon Chempionati esa eski tizimda o‘tkazilib, unga Qatar mezbonlik qiladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!