Pokistonda diniy markaz rahbari o‘zining 20 nafar izdoshini o‘ldirdi

Pokistonning shimoli-sharqida joylashgan diniy markazlardan birining rahbari o‘z tarafdorlari bilan birga kamida 20 nafar izdoshini oldin giyohvand moddasi berib, keyin o‘ldirgan. Hodisa Panjob viloyatining Sargodha shahrida yuz bergan. Bu haqda Geo TV telekanaliga asoslanib, “TASS” xabar berdi.

Xabar qilinishicha, qotillik quroli sifatida jinoyatchilar machete va to‘qmoqlardan foydalangan. Qotillik tashkilotchisi kuchli ruhiy kasallikdan aziyat chekkan.

“Sinxua” agentligining ma’lumotlariga ko‘ra, ommaviy qotillik yuz bergan bino bir necha yil avval qurilgan va hukumatning taqiqiga qaramasdan, markaz binoda foaliyat olib borgan. Politsiya gumonlanuvchi va uning tarafdorlarini qo‘lga olgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!