Liga 1. Ikardi va Mbappe dublga erishgan o‘yinda PSJ yirik hisobda g‘alaba qozondi (video)
Futbol bo‘yicha Fransiya chempionatining 11-turi doirasida 27-oktabr, yakshanba kuni Tomas Tuxel qo‘l ostidagi Parijning PSJ klubi o‘z maydonida “Marsel”ni sinovdan o‘tkazdi.
Uchrashuvning 10 va 26-daqiqalarida Parij klubi hujumchisi Mauro Ikardi gol urib dublga erishgan bo‘lsa, fransiyalik Kilian Mbappe (32, 44) ham o‘z nomiga 2 ta gol yozdirib qo‘ydi.
Shu tariqa parijliklar o‘z uyida kechgan bahsda “Marsel” darvozasiga javobsiz 4 ta gol urib, navbatdagi 3 ochkoni qo‘lga kiritdi.
Ushbu g‘alabadan so‘ng PSJ ochkolari sonini 27 taga yetkazib oldi va musobaqa jadvalida yaqqol peshqadamlik qilmoqda. “Marsel” esa 16 ochko to‘plab 7-o‘rinda bormoqda.
11-turdan so‘ng musobaqa jadvalidagi holat:
Liga 1
11-tur bahsi
27-oktabr, yakshanba
Gollar: 1:0 — 10 Ikardi, 2:0 — 26 Ikardi, 3:0 — 32 Mbappe, 4:0 — 44 Mbappe
PSJ: Navas, Dagba (Paredes, 61), Tiago Silva, Kimpembe, Bernat, Errera (Sarabiya, 79), Markinyos, Verratti, Di Mariya, Ikardi, Mbappe (Kavani, 71)
“Marsel”: Mandanda, Sarr, Kamara, Chaleta-Sar, Sakai, Ronjye, Strotman, Lopes (Amavi, 46), Jermen (Sanson, 82), Benedetto (Ake, 80), Payet
Ogohlantirishlar: Dagba (39), Bernat (59), Sakai (62)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz