Toshkent viloyatida chiqindi suvlarining Chirchiq daryosiga oqizilishining oldi olindi

Ekologik nazorat inspeksiyasi Toshkent viloyatida chiqindi suvlarining Chirchiq daryosiga oqizilish holatining oldini oldi. Bu haqda “Gazeta.uz” xabar berdi.

Xabar berilishicha, chiqindi suvlar Quyichirchiq tumani Obodonlashtirish boshqarmasiga tegishli avtotransport vositasidan mazkur boshqarma boshlig‘ining topshirig‘iga binoan oqizilayotgan edi.

Ma’muriy javobgarlik to‘g‘risidagi Kodeksning 82-moddasiga asosan aybdorlardan eng kam ish haqining 10 barobaridan 15 barobarigacha miqdorda jarima undirilishi mumkin.