O‘zbekiston masjidlarida azonni ovoz kuchaytirgichda aytish to‘xtatilgani haqidagi xabarlarga musulmonlar idorasi munosabat bildirdi

Namangandagi masjidlarda azonni ovoz kuchaytirgichlar orqali aytish to‘xtatilgani haqida ijtimoiy tarmoqlarda tarqalgan xabarlar yuzasidan O‘zbekiston musulmonlari idorasi munosabat bildirdi.

Qayd etilishicha, O‘zbekiston musulmonlari idorasi bu voqeaning kelib chiqish sabablariga aniqlik kiritish maqsadida Namangan viloyati vakilligi mutaxassislari bilan bog‘langan.

Ushbu viloyat vakilligi mas’ul xodimlari va mazkur hududdagi jome masjidlar imom-xatiblari Namangan shahridagi masjidlarda azonni ovoz kuchaytirgichlar orqali aytish to‘xtatilgani haqidagi xabar mutlaqo yolg‘on hamda asossiz ekanini qat’iy ta’kidlagan.