Toshkentda katta tezlikda kelayotgan Matiz belgilanmagan joydan o‘tayotgan 64 yoshli ayolni urib yubordi (video)

Toshkent shahar IIBB internetda tarqalgan piyoda ishtirokidagi YTH video tasviri bo‘yicha rasmiy ma’lumot berdi. Videoda katta tezlikda kelayotgan Matiz yo‘ldan o‘tayotgan piyodani urib yuborgani aks etgan.

Qayd etilishicha, ushbu yo‘l-transport hodisasi Toshkentning Yunusobod tumani Chinobod ko‘chasida 7-noyabr kuni soat 11:22 da ro‘y bergan. Matiz haydovchisi Islom O. belgilanmagan joydan yo‘lni kesib o‘tayotgan piyodani urib yuborgan.

YTH natijasida 64 yoshli Zulfiya U. tan jarohatlari olgan holida shahar klinik shifoxonasiga yetkazilgan.