Toshkentda mebel yasab berishni va’da qilib mijozning 250 million so‘m pulini o‘zlashtirgan tadbirkorga jinoiy ish ochildi

Toshkentning Sergeli tumanida tadbirkor mebel yasab berishni va’da qilib, fuqaroning pullarini firibgarlik yo‘li bilan o‘zlashtirgani aniqlandi. IIBB matbuot xizmatining xabar berishicha, bu haqda Sergeli tumani IIO FMBdan 4-noyabr kuni xabar kelib tushgan.

26 yoshli tadbirkor S.E. 9-iyun kunidan avgustgacha 33 yoshli T.X.ga 1066 ta stullar, divan va kreslolar tayyorlab berishni va’da qilgan. Buyurtma uchun S.E. T.X.dan 265 million 100 ming so‘m olib, mebellarni tayyorlamasdan, pullarni o‘z ehtiyojiga sarflab yuborgan.

Voqea yuzasidan Jinoyat kodeksining 168-moddasi (“Firibgarlik”) bo‘yicha jinoiy ish qo‘zg‘atilgan.