Peterburg metrosidagi portlash oqibatida 50 kishi jabrlandi

Sankt-Peterburg metrosidagi portlash oqibatida 50 kishi jabrlandi. Bu haqda, shahar ma’muriyati matbuot xizmati axborotiga tayanib, Meduza xabar bermoqda.

Avvalroq agentliklarning manbalari hodisa oqibatida 10 kishi halok bo‘lgani haqida xabar bergan edi.

Dastlabki ma’lumotlarga ko‘ra, Peterburg metrosining “ko‘k” yo‘nalishida, “Sennaya maydoni” va “Texnologiya instituti” bekatlari oralig‘ida yuz bergan portlash oqibatida kamida 10 kishi halok bo‘lgan, 30 ga yaqin odam tan jarohati olgan.

Sankt-Peterburgda bo‘lib turgan Rossiya prezidenti Vladimir Putin tergov hodisa yuzasidan boshqa versiyalar ham ko‘rib chiqilayotganini ta’kidlab, terakt ehtimoli asosiy taxmin ekanini ta’kidlab o‘tdi.

Sankt-Peterburg metrosining barcha bekatlari yopilgan, yo‘lovchilar evakuatsiya qilingan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!