» » O‘zbekiston Madaniyat vazirligi 11 nafar madaniyat xodimiga yangi uy kalitlarini topshirdi

O‘zbekiston Madaniyat vazirligi 11 nafar madaniyat xodimiga yangi uy kalitlarini topshirdi


O‘zbekiston Madaniyat vazirligining tizim tashkilotlari xodimlari oilalariga mo‘ljallangan 11 xonadonning kalitlari o‘z egalariga topshirildi. Bu haqda Madaniyat vazirligining axborot xizmati xabar bermoqda.

Alisher Navoiy nomidagi O‘zbekiston davlat akademik katta teatri hamda O‘zbekiston Badiiy jamoalari ijodiy birlashmasi xodimlariga Yunusobod tumanining 17-mavzesidan xonalari soni bittadan to‘rttagacha bo‘lgan bepul turar joylar ajratildi.

Yangi uylar Alisher Navoiy nomidagi O‘zbekiston davlat akademik katta teatri dirijyori Bobomurod Xudoyqulov, balet artistlari Ulug‘bek Olimov, Zamir Fazlutov, Nodira Hamroyeva, direktor o‘rinbosari Oybek Bahodirov, opera solistlari Rustam Alimardonov, Nosir Yusupov, Ma’suma Boltaboyeva, Shirin Mamatova, “Tumor” raqs ansambli bosh baletmeysteri Charos Jo‘raboyeva, O‘zbekiston Badiiy jamoalari ijodiy birlashmasidan esa ”Navro‘z” ashula va raqs ansambli badiiy rahbari Zarina Ahmedovaga taqdim etildi.

“Xizmat uylari berilishida xodimlarning mehnat jamoalaridagi faoliyati, yashash sharoitlari, fuqarolar yig‘ini, ish joylaridan taqdim etilgan tavsiyanomalar hamda boshqa barcha holatlar inobatga olindi”, — deyiladi vazirlik axborotida.

Eslatib o‘tamiz, O‘zbekiston Prezidentining 15-fevraldagi farmoniga muvofiq, Madaniyat vazirligi tashkil etilgan edi. 24-fevral kuni Mahmud Muratov madaniyat vaziri etib tayinlangani ma’lum bo‘ldi. Bungacha u Alisher Navoiy nomidagi O‘zbekiston davlat akademik katta teatriga direktorlik qilib kelayotgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!

Опубликовано: admin (3-04-2017, 21:58)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 26) ( 0) ( 25) ( 1)
Юзеры:
- отсутствуют
Гости:
Роботы:
Последние 20 посетителей... - отсутствуют