Erdo‘g‘on Turkiyada o‘lim jazosi qayta joriy etilishi mumkinligini ma’lum qildi

Turkiya prezidenti Rajab Toyyib Erdo‘g‘on Riza shahrida bo‘lib o‘tgan namoyishdagi nutqida mamlakatda o‘lim jazosi qaytarilishi mumkinligini ma’lum qildi. Bu haqda “TASS” xabar bermoqda.

Erdo‘g‘on o‘lim jazosi haqida gapirar ekan, agar bu to‘g‘risidagi qonun parlamentdan o‘tsa, u qonunni ratifikatsiya qilishini aytdi.

“Agar zaruriyat tug‘ilsa, ushbu masala bo‘yicha referendum ham o‘tkazilishi mumkin”, — dedi Turkiya prezidenti.

Eslatib o‘tamiz, Turkiyada o‘lim jazosini amaliyotga qaytarish borasidagi bahs-munozara 2016-yil 15-iyuldagi davlat to‘ntarishiga urinishlardan so‘ng yuzaga keldi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!