Eldor Shomurodov yanvardayoq klubini o‘zgartirishi mumkin

O‘zbekiston terma jamoasi va “Rostov” klubi hujumchisi Eldor Shomurodov qishki transfer oynasida SSKAga o‘tishi mumkin.

SportBox’ning xabar qilishicha, moskvaliklar klubi 24 yoshli futbolchi transferi uchun besh million yevrodan oshiq miqdorda pul to‘lashga tayyor.

Avvalroq “Rostov” moliyaviy muammolarga uchragani va shu sabab bir nechta futbolchisini sotib yuborishi mumkinligi xabar qilingandi.

Mavzuga doir: Shomurodov yanvardayoq “Rostov”ni tark etishi mumkin. Jamoa moliyaviy inqirozni boshdan kechirmoqda

Shomurodov “Rostov”da 2017-yildan buyon to‘p surib keladi. Uning rostovliklar bilan amaldagi shartnomasi 2024-yilning iyuniga qadar mo‘ljallangan.

Eldor ushbu mavsum Rossiya chempionatining 18 ta o‘yinida qatnashib, 10 ta gol va to‘rtta golli uzatmaga muallif bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!