Tramp o‘z maoshini AQSh Milliy bog‘ xizmati hisobiga o‘tkazdi

AQSh prezidenti Donald Tramp o‘zining birinchi choraklik uchun maoshini AQSh Milliy bog‘ xizmati hisobiga o‘tkazdi, deb yozadi “RBK”. Oq uy matbuot kotibi Shon Spayser so‘zlariga ko‘ra, summa taxminan 78 ming dollarni tashkil qilgan.

The New York Times xabar berishicha, Oq uy vakili Tramp imzolagan chekni mamlakat ichki ishlar vaziri Rayan Zinkega topshirgan, Milliy bog‘ xizmati aynan shu muassasa tarkibiga kiradi.

Eslatib o‘tamiz, 2016-yil noyabrda AQShning saylangan prezidenti Donald Tramp yiliga 400 ming dollarlik prezident maoshidan voz kechib, bor-yo‘g‘i 1 dollar olishini ma’lum qilgan edi.