Qirg‘iziston maxsus xizmati Sankt-Peterburg metrosidagi teraktda gumon qilinayotgan shaxs nomini oshkor etdi

Sankt-Peterburg metrosida sodir etilgan teraktda gumon qilinayotgan shaxs Qirg‘izistonning O‘sh shahrida tug‘ilib-o‘sgan. Bu haqda Qirg‘iziston milliy xavfsizlik davlat qo‘mitasidagi manba ma’lum qildi, deya xabar beradi “Interfaks”.

“Dastlabki ma’lumotlarga ko‘ra, teraktni O‘sh shahrida 1995-yilda tug‘ilgan, hozirda Rossiya fuqarosi bo‘lgan Akbar Jalilov amalga oshirgan. Qo‘mita Rossiya maxsus xizmatlari bilan aloqada bo‘lib turibdi”, — deya ta’kidladi agentlik suhbatdoshi.

Qirg‘iziston janubi kuch tizimlaridagi manbaga ko‘ra, O‘shdagi tegishli tuzilmalar Sankt-Peterburg metrosidagi teraktning ehtimoliy ijrochisi bilan bog‘liq barcha ma’lumotlar, jumladan, millati, yashash joyi, qarindosh-urug‘lari, qachon Rossiyaga ko‘chib o‘tganini tekshirmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!