Olimlar Yevropada birinchi g‘or balig‘ini aniqladi
Olimlar Yevropada g‘orda yashovchi birinchi baliqni topdi. Baliq Barbatula turiga mansub bo‘lib, Germaniya janubidagi yerosti g‘or suvlarida yashaydi. Bu haqda Cell Press nashri ma’lum qildi.
Baliq odam va suv havzasi hayvonlarining yetib borishi qiyin bo‘lgan g‘orda yashaydi. Mo‘ylovdor baliq yashaydigan g‘orning yoshi 20 ming yil deb baholanmoqda.
Olimlarning taxmin qilishicha, muzlik davrida muzliklar chekinganidan keyin g‘or baliq yashashi uchun qulay joyga aylangan. Ularning fikricha, hayvonning evolutsiyasi haligacha davom etmoqda. Boshqa baliqlardan ko‘zlarining kichikligi, uzun mo‘ylovlari va yirik burun teshiklari bilan farq qiladi.
2015-yildan boshlab olimlar yangi turdagi baliqning 5 ta vakilini topgan. O‘tkazilgan tadqiqotlar baliqning noma’lum tur ekanligini ko‘rsatdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!