Foto: Habib Nurmagomedov Toshkentga kelmoqda

MMA bo‘yicha Toshkent mezbonlik qiladigan GFC 20 musobaqasining faxriy mehmoni Habib Nurmagomedov Toshkentga kelmoqda. Bu haqda sportchining o‘zi Instagram’dagi sahifasi orqali ma’lum qildi.

23-noyabr kuni bo‘lib o‘tadigan GFC 20 musobaqasida Habibning amakivachchasi Umar Nurmagomedov ham ishtirok etadi. Habib esa musobaqadan ikki kun oldin Toshkentga kelmoqda. U o‘tirgan samolyot Islom Karimov nomidagi Toshkent xalqaro aerportiga bugun kechki soat 22:00 da qo‘nishi haqida xabar bermoqda, “Daryo” manbalari.

Eslatib o‘tamiz, avvalroq Habibning otasi Abdulmanap Nurmagomedov charter reys orqali Toshkentga yetib kelgandi.

Ma’lumot uchun, 21-noyabr kuni Toshkentdagi Hilton mehmonxonasida GFC 20 musobaqasidan oldingi matbuot anjumani bo‘lib o‘tadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!