Qozog‘istonda 2016-yilda 12 ta terrorchilik va zo‘ravonlik aksiyasining oldi olindi

Qozog‘istonda 2016-yilda 12 ta terrorchilik va zo‘ravonlik aksiyasining oldi olindi. Bu haqda mamlakat milliy xavfsizlik qo‘mitasi raisining o‘rinbosari Nurgali Bilisbekov ma’lum qildi, deya xabar beradi “Kazinform”.

“Afsuski, Qozog‘istonda fojiali hodisalar ham yuz berdi va biz bundan o‘ta jiddiy xulosalar chiqardik. Davlat rahbari ko‘rsatmasiga binoan 2017—2020-yillarga mo‘ljallangan terrorizmga qarshi kurash bo‘yicha yangi davlat dasturi ishlab chiqilmoqda”, — deya ta’kidladi MXQ raisi o‘rinbosari.

Nurgali Bilisbekovga ko‘ra, yaqin orada mazkur dasturning hukumatda taqdimoti o‘tkaziladi va tasdiqlanadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!