Shahrisabzda paxta chigitidan yog‘ ishlab chiqarayotgan noqonuniy sex aniqlandi

Qashqadaryo viloyati Shahrisabz shahrida paxta chigitidan yog‘ ishlab chiqarayotgan noqonuniy sex faoliyati aniqlandi. Bu haqda Bosh prokuratura xabar berdi.

Bosh prokuratura huzuridagi Iqtisodiy jinoyatlarga qarshi kurash departamentining Shahrisabz shahar bo‘limi viloyat IIB bilan hamkorlikda o‘tkazgan tezkor tadbirda fuqaro B.I. yashirin sex tashkil qilib, qonunga xilof ravishda paxta chigitidan yog‘ ishlab chiqarish bilan shug‘ullanib kelayotganligi aniqlangan.

Mazkur holat yuzasidan Jinoyat kodeksining 186-moddasi bilan jinoyat ishi qo‘zg‘atilib, tergov harakatlari o‘tkazilmoqda.