Tanzila Norboyeva Ozarbayjonga taklif qilindi

MDH parlamentlararo assambleyasi doirasida O‘zbekiston delegatsiyasi Ozarbayjon parlamenti a’zolari bilan uchrashdi. Bu haqda Senat matbuot xizmati ma’lum qildi.

Ozarbayjon Respublikasi Milli Mejlisi raisi Oktay Asadov O‘zbekistonni Turkiy tilli davlatlar hamkorlik kengashiga, O‘zbekiston parlamentini esa MDH parlamentlararo assambleyasiga qo‘shilgani bilan tabrikladi. U O‘zbekistonda amalga oshirilayotgan islohotlarni, jumladan, parlamentarizm ildam rivojlanayotganini yuqori baholadi.

Uchrashuvda tomonlar parlamentlararo hamkorlikni yanada rivojlantirish istiqbollarini muhokama qildi.

Oktay Asadov Oliy Majlis Senati raisi Tanzila Norboyevaga Ozarbayjonga rasmiy tashrif buyurishni taklif etdi.