Mirobodda Spark va Lacetti to‘qnashdi

Telegram’dagi “Voditeli Tashkenta — Drivers.uz” kanalida Toshkent shahar Mirobod tumanida sodir bo‘lgan yo‘l-transport hodisasining bir nechta suratlari e’lon qilingan. Toshkent shahar IIBB mazkur holat bo‘yicha ma’lumot berdi.

Xabar berilishicha, 21-noyabr, payshanba kuni soat 12:30 da Shahrisabz va Istiqlol ko‘chalari kesishmasida 70 yoshli Rofi P. boshqaruvidagi Spark rusumli avtomobil 24 yoshli Jamoliddin M. boshqarib borgan Lacetti avtomobili bilan to‘qnashgan.

Qayd etilishicha, YTH Spark avtomobili haydovchisi asosiy yo‘ldan harakatlanib borgan Lacetti’ga yo‘l bermagani oqibatida yuz bergan.

YTH natijasida Spark haydovchisi tan jarohatlari olgan va shifoxonaga yotqizilgan.