Toshkent tumanida 180 ming manatni qonunga xilof ravishda sotgan fuqarolar qo‘lga olindi

Toshkent tumanida 180 000 turkman manatini qonunga xilof ravishda sotgan shaxslar qo‘lga olindi. Bu haqda Bosh prokuratura matbuot xizmati xabar berdi.

Toshkent tumani Guliston mahallasida S.O. ismli fuqaro ikki nafar sherigi bilan fuqaro O.A.ga 180 000 Turkmaniston manatini 18 000 AQSh dollariga qonunga xilof ravishda sotgan vaqtda ushlangan.

Mavzuga doir: Namanganda qalbaki dollar sotgan shaxs qo‘lga olindi

Mazkur holat yuzasidan Bosh prokuratura huzuridagi departament tomonidan Jinoyat kodeksining 177-moddasi (Valyuta qimmatliklarini qonunga xilof ravishda olish yoki o‘tkazish) 4-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.